Klassefest i kveld!

Tenk, ei ny veke er alt ferdig! No ja, ferdig og ferdig, fru Blom. Me har haugar av oppgåver å gjera, av ulike slag. Som t.d. i morgon og sundag: Gå på den store marknaden i byen og finne svar på ein masse oppgåver. Men det er jo sjølvsagt triveleg òg.
Fonologieksamen er alt 20. oktober, så der er det berre å stå på. Lærar Francine, som har budd i Kristiansand i fleire år, jobba på Univ./høgskolen der òg, har skrive den læreboka me brukar, så der går det unna. Eg synest det er eit morosamt fag, så då får ein berre stå på.
Men som sagt, fyrst er det "klassefest". Kan hende litt drøyt å kalle det studentkro når me berre er 13 (ikkje noko ulykkestal så langt).
Fekk ei føling med at ein er langt heimefrå i går. Ein av medelevane fekk melding om at mora var gått bort. Sjølv om ho var over 90 år og sjuk, er det jo rart med slikt.
Har bestilt tur heimatt til siste veka i oktober.