Minnesmerke

Her i område kryr det av minnesmerke frå 2. verdkrig. Som tidlegare nemnt, bur eg jo 5 min frå det store Memorial-museet, og ca 20 km frå kysten der D-dagen fann stad i juni 1944. Dette pregar området i sterk grad.
I dag var det "studiedag", og litt utpå dagen kjente Kirsten og eg trang til lå fristille hjernecellane våre frå groupe rhytmique, syllabes, voyelles et consonnes" og kva det no er me driv og slit me for tida (fonologi-eksamen i slutten av oktober). Fordi eg hadde ein Skype-avtale med min kjære, måtte me avgrense turen noko. Me drog rett mot St. Aubergne sur Mer, att og fram ca. 2,5 mil (det var altså ikkje roiinnndtur i dag, Kirsten). Plutseleg, utpå ei endeløs slette med nypløygd mark; eit norsk flagg - og eit fransk flagg?! Me stoppa. Det var eit fint minnesmerke over norsk innsats i området i 1944. Me kjenner ikkje til om det var noko spesielt som hende nett der. Det får me heller koma tlbake til. Historien er aldri langt unna her, anten det er snakk om vikingtid, middelalder eller 1900-talet. Og no er debatten om kjernekraft særs aktuell i området her. Folk veit å gjera livet vanskeleg...