Vélo = vélocipède = ???

Jaudå, det er sykkel. Eg skulle altså gjera eit intervju med nokon som kunne fortelje meg noko meir om voies vertes, dvs. sykkelvegar.
I Frankrike har ein hatt eit stort statleg prosjekt for å leggje til rette for trygge sykkelvegar - der har me mykje å lære. Her i Caen er det stort sett langs dei større hovedvegane alltid ein sykkelveg ved sida. Sykkelfeltet er merka med grøn asfalt, symbol for syklistar, og fortrinnsrett/oppmerka felt i rundkjøringar og fotgjengarovergangar. Hadde det ikkje vore for vinden, hadde det vore ein rein fornøyelse å vera syklist her. Men rett skal vera rett, det hender jo at me har vinden i ryggen og!
Ja, eg må vel nesten seie litt meir om kvifor eg ville intervjue desse søte unge damene? Ein ting er jo min nye velo som gjerne vil ut og lufte seg, men eg måtte jo nesten fortelje om mon mari = Svein, som har planar om å sykle frå Rauland til Caen neste sommar... Ohlala, sa damene, tydeleg imponerte. Ja, ja, me får jo sjå kor mykje det er å vera imponert over når han kjem fram, he, he. Kan hende eg får vera solidarisk og sykle han i møte?
Men dei visste ikkje om det var voies vertes i Nord-Europa. Får sjekke opp litt med Schengen.

http://www.voies-vertes.info/gen.